Áhrifamáttur bloggsins

"Blogg veitir nokkrum mönnum tækifæri til að láta skoðanir sínar í ljós nær daglega. Þar má nefna til dæmis Björn Bjarnason og Egil Helgason, sem taka virkan þátt í umræðum þjóðfélagsins. En getur verið að bloggið sé eins og Hyde Park Corner í Lundúnum, afkimi fyrir sérvitringa?" segir Reynir Jóhannesson í pistli dagsins á Deiglunni.

Lesa meira 

Heimsins þægilegasta fangabúr

Pawel Bartoszek skrifar í pistli sínum á Deiglunni þann 6. maí að "[það] er fáranlegt að þjóðhöfðingjaembætti gangi í erfðir" og "algjört brot á þeim grundvallarhugmyndum um lýðræði og jafnrétti sem okkar vestrænu þjóðfélög þykjast svo gjarnan byggja á. Einnig segir hann sorglegt að sjá hvernig mannréttindi kóngafólks séu fótum troðin.

Lesa pistil Pawels í heild sinni á Deiglunni.

Bensínskattur í sumarfrí

Jón Steinsson skrifar pistil á Deigluna sl. mánudag um nýlegt útspil frá John McCain um að gefa bensínskatti í Bandaríkunum sumarfrí.

Inngangur pistilsins er eftirfarandi:

Senn líður að forsetakosningum í Bandaríkjunum. Frambjóðendurnir þrír sem eftir eru leita nú allra leiða til þess að ná til kjósenda. Ekki er allt jafn gáfulegt í því efni. Eitt nýlegt útspil frá John McCain er sú hugmynd að veita bensínskatti í Bandaríkjunum sumarleyfi, þ.e. fella skattinn niður tímabundið yfir sumartímann þegar Bandaríkjamenn nota bíla sína meira en í annan tíma til þess að ferðast.

Lesa pistili Jóns Steinssonar í heild sinni á Deiglunni

Lagalegu misrétti útrýmt

"Með frumvarpinu er gert ráð fyrir að prestum og forstöðumönnum skráðra trúfélaga sem hafa vígsluheimild samkvæmt hjúskaparlögum verði heimilt að staðfesta samvist tveggja einstaklinga af sama kyni kjósi þeir það, en í dag eru það eingöngu sýslumenn og löglærðir fulltrúar þeirra sem hafa vígsluheimild og framkvæma staðfesta samvist samkynhneigðra." segir Erla Ósk Ásgeirsdóttir í pistli dagsins á Deiglunni.

Lesa

Kornið sem fyllir mælinn

"Það er óhætt að segja að sjónvarpsmyndir síðustu daga frá átökum lögreglunnar við atvinnubílstjóra hafi verið býsna ólíkar því sem við eigum að venjast á Íslandi. Uppþot atvinnubílstjóra, sem gengið hafa langt út fyrir það sem kallast má friðsamleg mótmæli, hafa á síðustu dögum snúist upp í algjöra vitleysu." segir Þórlindur Kjartansson sem fjallar um mótmæli atvinnubílstjóra í leiðara dagsins á Deiglunni.

Lesa

Laus staða á líknardeildinni

"Skuldafíkn er illvígur sjúkdómur, landlægur hér á landi, og líklega arfleið þess tíma er það þótti bæði upphefð og forréttindi að fá fyrirgreiðslu hjá bankanum. Íslendingar eru fíklar í lánsfé og eins og gildir um aðra fíkla, þá er verð fíkniefnanna engin fyrirstaða þegar þörfin kallar." segir Borgar Þór Einarsson í leiðara dagsins á Deiglunni.

Lesa

Ruslakista á stærð við heimsálfu

"Ísskápurinn minn er fullur af plasti sem er á leiðinni í ruslið. Eldhússkáparnir eru líka fullir af plasti. Öll hreinsiefni á heimilinu eru í plastílátum. Leikfangakassar dóttur minnar eru úr plasti og líka fullir af plasti. Við drekkum úr plasti, borðum af því, sitjum á því, göngum í því og jafnvel ferðumst um í plasti. Plast er alveg magnað efni." segir Ásta Sóllilja Sigurbjörnsdóttir í pistli dagsins á Deiglunni.

Lesa

Gullegginu verpt

"Gulleggið er að okkar mati tákn um nýtt líf, nýjar og ferskar hugmyndir sem enn eru óskrifað blað en eru við það að brjótast út úr skurninni og líta dagsins ljós, vaxa og dafna." segir Andri Heiðar Kristinsson í pistli dagsins á Deiglunni þar sem fjallað er um Frumkvöðlakeppni Innovit.

Lesa

Heillavænleg lögleiðing brasks

"Nú er í meðferð frumvarp á Alþingi sem leyfir verðbréfasjóðum að lána verðbréf sín. Þetta er mjög jákvætt skref en alltaf eru einhverjar efasemdaraddir.

Á flestum þróuðum mörkuðum er skortsala verðbréfa mjög viðtekinn og eðlilegur fjármálagerningur. Skortsala felst í því að aðili A fær lánað verðbréf frá aðila B með loforði um að skila því á ákveðnum tíma aftur. A selur bréfið á markaði með væntingar um að markaðsverð bréfsins lækki þar sem hann þarf að kaupa bréfið fyrir tiltekinn tíma til þess að skila aðila B bréfinu. Ef bréfið lækkar frá því A selur það þar til hann kaupir það aftur þá hagnast hann en tapar annars." segir Bjarni Kristinn Torfason í pistli á Deiglunni í dag.

lesa pistilinn

Áflog við Arnarhól

"Erlend lán Íslendinga á undanförnum árum voru ekki bara einkenni lítils hagkerfis, heldur eitt af einkennum þeirra leikreglna sem gilda þegar ungir Seðlabankar án orðspors eiga í hlut. Slík peningamálastjórn minnir yfirleitt meira á hnefaleika en júdó." segir Magnús Þór Torfason í leiðara dagsins á Deiglunni.

lesa